មន្ទីរពេទ្យព្រះអង្គឌួង ចុះពិនិត្យសុខភាពភ្នែក ផ្តល់វ៉ែនតា និងវះកាត់ជំងឺភ្នែកជូនប្រជាពលរដ្ឋខេត្តបន្ទាយមានជ័យ ដោយឥតគិតថ្លៃ
សារព័ត៌មាន​ ខ្មែរពិត (www.sapormeankhmerpit.com.kh) Phone +85569690578 ។​ សូមអរគុណ...!

មន្ទីរពេទ្យព្រះអង្គឌួង ចុះពិនិត្យសុខភាពភ្នែក ផ្តល់វ៉ែនតា និងវះកាត់ជំងឺភ្នែកជូនប្រជាពលរដ្ឋខេត្តបន្ទាយមានជ័យ ដោយឥតគិតថ្លៃ


បន្ទាយមានជ័យ ៖ ក្រុមគ្រូពេទ្យឯកទេស នៃមន្ទីរពេទ្យ ព្រះអង្គឌួង សហការជាមួយ មន្ទីរសុខាភិបាលនៃរដ្ឋបាលខេត្តបន្ទាយមានជ័យ បានចុះពិនិត្យសុខភាពភ្នែក ផ្តល់វ៉ែនតា និងវះកាត់ជំងឺភ្នែកជូនប្រជាពលរដ្ឋដោយឥតគិតថ្លៃ។


កម្មវិធីសប្បុរសធម៌នេះប្រព្រឹត្តទៅរយៈពេលមួយថ្ងៃពេញ ពោលនាថ្ងៃសៅរ៍ ទី១៤ ខែវិច្ឆិកា ឆ្នាំ២០២៦ ចាប់ពីម៉ោង ៨:០០នាទីព្រឹកតទៅ នៅក្នុងបរិវេណ មន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី ស្ថិតនៅភូមិកោះកែវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។


ក្នុងឱកាសជួបសំណេះសំណាលជាជាមួយបងប្អូនប្រជាពលរដ្ឋ ដែលមកទទួលការព្យាបាល ឯកឧត្តម អ៊ុំ រាត្រី អភិបាល ខេត្ត ក៏បានថ្លែងអំណរគុណចំពោះក្រុមគ្រូពេទ្យឯកទេស នៃមន្ទីរពេទ្យ ព្រះអង្គឌួង ដែលបានចំណាយពេលវេលាដ៏មានតម្លៃ ដឹកនាំក្រុមគ្រូពេទ្យ ដើម្បីចុះមកពិនិត្យ និងព្យាបាលជូនបងប្អូនពលរដ្ឋនៅខេត្តបន្ទាយមានជ័យ ដោយឥតគិតថ្លៃ ដើម្បីផ្តល់ក្តីសង្ឃឹម ហើយក៏មានការគាំទ្រយ៉ាងខ្លាំងពីសំណាក់ប្រជាពលរដ្ឋនៅក្នុងខេត្តបន្ទាយមានជ័យផងដែរ។


ឯកឧត្ដមអភិបាលខេត្ត ក៏បានលើកឡើងថា សុខុមាលភាព និងសុខភាពរបស់ប្រជាពលរដ្ឋ គឺជាមូលដ្ឋានគ្រឹះដ៏សំខាន់បំផុតសម្រាប់ការអភិវឌ្ឍសង្គមជាតិ។ ក្នុងនោះរាជរដ្ឋាភិបាលកម្ពុជា ក៏ដូចជាក្រុមបេសកកម្មមនុស្សធម៌នានា បាននិងកំពុងដាក់ចេញនូវយុទ្ធសាស្ត្រ និងកម្មវិធីថែទាំសុខភាពជាច្រើន ដើម្បីធានាថា ប្រជាពលរដ្ឋគ្រប់រូប ជាពិសេសគ្រួសារមានជីវភាពខ្វះខាត ទទួលបានសេវាសុខាភិបាលដោយស្មើភាពគ្នា តាមរយៈ ការពិនិត្យ និងព្យាបាលជំងឺដោយឥតគិតថ្លៃ។


អភិបាលខេត្តបន្តថា ការផ្តល់សេវាព្យាបាលជំងឺដោយឥតគិតថ្លៃ គឺជាការបង្ហាញយ៉ាងច្បាស់អំពីក្ដីមេត្តាករុណា សាមគ្គីភាព និងការយកចិត្តទុកដាក់ពីសំណាក់ថ្នាក់ដឹកនាំ និងសង្គមជាតិទាំងមូលចំពោះសុខភាពរបស់ប្រជាពលរដ្ឋ។ ព្រមទាំងបានឆ្លុះបញ្ចាំងពីទស្សនវិស័យថា “សុខភាពល្អ គឺជាទ្រព្យសម្បត្តិដ៏មានតម្លៃបំផុតសម្រាប់គ្រួសារ និងការអភិវឌ្ឍប្រទេសជាតិ” ៕


















Post a Comment (0)
Previous Post Next Post