លោកឧត្តមសេនីយ៍ត្រី ហែម វុទ្ធី និងលោកជំទាវ ណៃ រតនី ដឹកនាំមន្ត្រីក្រោមឱវាទរៀបចំពិធីក្រុងពាលី ត្រៀមបញ្ចុះបឋមសិលាសាងសង់បញ្ជាការដ្ឋានកងរាជអាវុធហត្ថខេត្តបាត់ដំបងថ្មី
សារព័ត៌មាន​ ខ្មែរពិត (www.sapormeankhmerpit.com.kh) Phone +85569690578 ។​ សូមអរគុណ...!

លោកឧត្តមសេនីយ៍ត្រី ហែម វុទ្ធី និងលោកជំទាវ ណៃ រតនី ដឹកនាំមន្ត្រីក្រោមឱវាទរៀបចំពិធីក្រុងពាលី ត្រៀមបញ្ចុះបឋមសិលាសាងសង់បញ្ជាការដ្ឋានកងរាជអាវុធហត្ថខេត្តបាត់ដំបងថ្មី

បាត់ដំបង ៖ លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង និងលោកជំទាវ ណៃ រតនី បានអញ្ជើញដឹកនាំមន្ត្រីក្រោមឱវាទ ប្រារព្ធពិធីក្រុងពាលី ដើម្បីសុំសេចក្តីសុខចម្រើន និងបួងសួងសុំសេចក្តីសុខសុវត្ថិភាព ក្នុងការត្រៀមរៀបចំពិធីបញ្ចុះបឋមសិលាបើកការដ្ឋានសាងសង់បញ្ជាការដ្ឋានកងរាជអាវុធហត្ថខេត្តបាត់ដំបងថ្មី។

 

ដែលពិធីនេះបានប្រារព្ធធ្វើឡើងកាលពីព្រឹកថ្ងៃទី១៣ ខែវិច្ឆិកា ឆ្នាំ២០២៦ នៅទីតាំងគម្រោងសាងសង់ ស្ថិតក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។

 

ការរៀបចំពិធីក្រុងពាលីនេះ គឺជាជំហានត្រៀមរៀបចំមុននឹងឈានទៅដល់ពិធីបញ្ចុះបឋមសិលាបើកការដ្ឋានសាងសង់បញ្ជាការដ្ឋានកងរាជអាវុធហត្ថខេត្តបាត់ដំបងថ្មី ដែលជាសំណង់ហេដ្ឋារចនាសម្ព័ន្ធសំខាន់ សម្រាប់បម្រើដល់ការងារដឹកនាំ គ្រប់គ្រង និងបំពេញភារកិច្ចរបស់កងរាជអាវុធហត្ថ ក្នុងការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋក្នុងខេត្តបាត់ដំបង ៕









ដោយ ៖ សាលី


Post a Comment (0)
Previous Post Next Post