ព្រះវិហារ ៖ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ
នៅថ្ងៃទី០៩ មីនា ២០២៦ បានអញ្ជើញចុះជួបសំណេះសំណាល សាកសួរសុខទុក កងកម្លាំងនគរបាលការពារព្រំដែនទិសទី៤
និងទី៥ នៅក្នុងឱកាសបុណ្យចូលឆ្នាំប្រពៃណីជាតិខ្មែរ ។
ឯកឧត្តមនាយឧត្តមសេនីយ៍ ខេង សាម៉េត មេបញ្ជាការកងនគរបាលការពារព្រំដែនទិសទី៤
បានរាយការណ៍ពីសភាពការណ៍រួមនៅតាមបណ្តោយព្រំដែនទិសទី៤ មានសភាពការស្ងប់ស្ងាត់មិនមានអីគួឲ្យយកត់សម្គាល់ទេ
ចំណែកកងកម្លាំងនគរបាលទាំងអស់មានការប្រុងជើងការកម្រិតខ្ពស់ផងដែរ ។
ឯកឧត្តម នាយឧត្តមសេនីយ៍ ស ថេត បានថ្លែងពាំនាំប្រសាសន៍ផ្តាំផ្ញើសាកសួរសុខទុកពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចបវរធិបតី ហ៊ុន ម៉ាណែត ក្នុងឱកាសបុណ្យចូលឆ្នាំប្រពៃណីជាតិខ្មែរនាពេលខាងមុខ ជូនចំពោះកងកម្លាំងទាំងអស់ ។ ឯកឧត្តមនាយឧត្តមសេនីយ៍ បានថ្លែងអំណរគុណដល់ នាយឧត្តមសេនីយ៍មេបញ្ជាការទិសទី៤ ការពារព្រំដែន និងឯកឧត្តមមេបញ្ជាការរងនគរបាល ពលនគរបាលការពារព្រំដែនទាំងអស់ដែលបានយកអស់កម្លាំងកាយចិត្ត ក្នុងការការពារបូរណៈភាពទឹកដីជូនជាតិមាតុភូមិនៃយើង ការបូរជានូវកម្លាំងកាយចិត្តទាំងអស់នេះ គុណបំណាច់របស់អស់លោកចំពោះជាតិនិងប្រជាជននៃយើងនៅក្នុងឱកាសនោះ ឯកឧត្តមនាយឧត្តមសេនីយ៍ បានប្រគល់អំណោយមានថវិការនិងសម្ភារៈមួយចំនួនផងដែរ ៕
ដោយ ៖ រ៉ាស៊ី