បន្ទាយមានជ័យ ៖ ម៉ូតូ scoopy
ស៊េរីថ្មី ចំនួន២គ្រឿង ត្រូវបានប្រជាពលរដ្ឋប្រទះឃើញប្លុងទុកចោលក្បែរព្រំដែនកម្ពុជាថៃ
ស្ថិតនៅក្នុងភូមិបន្សាយអើត ឃុំទួលពង្រ ស្រុកម៉ាឡៃ ខេត្តបន្ទាយមានជ័យ សង្ស័យជាម៉ូតូដែលឈ្មួញលួចនាំចូលពីប្រទេសថៃ ខណៈព្រំដែនបានបិទទាំងស្រុង
បានរាយការណ៍និងប្រគល់ជូនឲ្យសមត្ថកិច្ចយោធា និងនគរបាលការពារព្រំដែនគោកវរ៨១៥។
តាមពលរដ្ឋឈ្មោះ រុណ សុគា ដែលមានទីលំនៅភូមិបន្សាយអើត
បានអោយដឹងថា នៅវេលាម៉ោង៥ទៀបភ្លឺ ខណៈធ្វើដំណើរទៅផ្សារស្រាប់តែប្រទះឃើញម៉ូតូ scoopy
ចំនួន ២គ្រឿងដែលប្លុងទុកចោលក្បែរផ្លូវលំជិតព្រំដែន ក៏បានរាយការណ៍ជូនសមត្ថកិច្ចយោធាដែលកំពុងដើរល្បាតក៏បានយកម៉ូតូនេះ
ទៅប្រគល់ជូននគរបាលការពារព្រំដែនគោក៨១៥។
ម៉ូតូទាំងពីរគ្រឿងដែលប្រជាពលរដ្ឋប្រទេះឃើញ និងសង្ស័យជាម៉ូតូនាំចូលពីប្រទេសថៃនេះ
នៅថ្ងៃទី៣ ខែមេសា ២០២៦ គឺជាប្រភេទម៉ូតូស៊េរីថ្មីម៉ាកស្គុបពី ពណ៌ខ្មៅនិងពណ៌ក្រហម។
ជុំវិញករណីម៉ូតូដែលសង្ស័យលួចនាំចូលពីប្រទេសថៃនេះលោក សួន
សៅ មេបញ្ជាការវរសេនាតូចនគរបាលការពារព្រំដែនគោក៨១៥ បានឲ្យដឹងនៅព្រឹកថ្ងៃទី៣ មេសា
២០២៦ថា កម្លាំងរបស់លោកបានទទួលម៉ូតូចំនួន ២គ្រឿងពីប្រជាពលរដ្ឋខាងលើ
ដោយបានអះអាងថា បានប្រទះឃើញនៅក្បែរព្រំដែន ហើយក៏នាំយកមកប្រគល់ជូនតែម្ដង។ ចំពោះជនសង្ស័យ
ឬក៏ជាម្ចាស់ម៉ូតូ ក្នុងករណីម៉ូតូទាំងពីរគ្រឿងនេះ គឺប្រជាពលរដ្ឋគាត់មិនបានឃើញឡើយ។ ក្រោយពីទទួលបានម៉ូតូពីប្រជាពលរដ្ឋនេះ
លោកបានឲ្យកម្លាំងរបស់លោក ធ្វើកាស្រាវជ្រាវនិងបង្កើនការទប់ស្កាត់ការលួននាំចូលទំនិញគ្រប់ប្រភេទពីប្រទេសថៃ
និងបានរាយការណ៍ជូនស្នងការ និងបញ្ជូនទៅស្នងការភ្លាមៗផងដែរ។
សូមបញ្ជាក់ផងដែរថា ទោះបីជាព្រំដែន គោកកម្ពុជាថៃត្រូវបានរដ្ឋាភិបាលប្រកាសបិទទាំងស្រុងយ៉ាងណាក៏ដោយ ក៏នៅមានឈ្មួញលួចឃុបឃិតនាំចូលនូវទំនិញគ្រប់ប្រភេទ និងការនាំមនុស្សឆ្លងដែន បើទោះបីត្រូវបានសមត្ថកិច្ចបង្ក្រាបបាននិងត្រូវបានតុលាការផ្ដន្ទាទោសជនជាប់ពាក់ព័ន្ធយ៉ាងណាក៏ដោយ ក៏នៅតែមានបទល្មើសឆ្លងដែនដដែរ ៕
