មន្ទីរសាធារណការខេត្តបាត់ដំបង បន្តកែសម្រួលផ្លូវដែលមានសភាពខូចខាត និងសំបុកមាន់ជាច្រើនខ្សែក្នុងក្រុង ដើម្បីសម្រួលដល់ការធ្វើដំណើររបស់ប្រជាពលរដ្ឋ
សារព័ត៌មាន​ ខ្មែរពិត (www.sapormeankhmerpit.com.kh) Phone +85569690578 ។​ សូមអរគុណ...!

មន្ទីរសាធារណការខេត្តបាត់ដំបង បន្តកែសម្រួលផ្លូវដែលមានសភាពខូចខាត និងសំបុកមាន់ជាច្រើនខ្សែក្នុងក្រុង ដើម្បីសម្រួលដល់ការធ្វើដំណើររបស់ប្រជាពលរដ្ឋ

បាត់ដំបង ៖ មន្ទីរសាធារណការ និងដឹកជញ្ជូនខេត្តបាត់ដំបង ដែលមានឯកឧត្ដម ព្រួញ រិទ្ធថា ទីប្រឹក្សាឯកឧត្តមអភិសន្តិបណ្ឌិត ស សុខា និងជាប្រធានមន្ទីរសាធារណការនិងដឹកជញ្ជូនខេត្តបាត់ដំបង បានបន្តចាត់ក្រុមការងារជំនាញចុះកែសម្រួល និងជួសជុលផ្លូវដែលមានសភាពខូចខាត ជាពិសេសផ្លូវដែលមានជង្ហុកសំបុកមាន់ជាច្រើនខ្សែ នៅក្នុងក្រុងបាត់ដំបង។

 

ឯកឧត្ដម ព្រួញ រិទ្ធថា បានបញ្ជាក់ថា សកម្មភាពនេះ គឺជាការយកចិត្តទុកដាក់របស់មន្ទីរ ក្នុងការថែទាំ និងកែលម្អហេដ្ឋារចនាសម្ព័ន្ធផ្លូវថ្នល់ឱ្យមានសភាពល្អប្រសើរឡើងវិញ ដើម្បីបង្កលក្ខណៈងាយស្រួលដល់ការធ្វើដំណើរ កាត់បន្ថយហានិភ័យនៃគ្រោះថ្នាក់ចរាចរណ៍ និងបម្រើដល់សេចក្តីត្រូវការរបស់ប្រជាពលរដ្ឋ។

 

ជាមួយគ្នានេះ ការបន្តជួសជុល និងថែទាំផ្លូវថ្នល់ ក៏ជាការរួមចំណែកលើកកម្ពស់សោភ័ណភាពទីក្រុង និងធានាបាននូវសុវត្ថិភាព សណ្តាប់ធ្នាប់ក្នុងការធ្វើដំណើររបស់ប្រជាពលរដ្ឋ និងអ្នកប្រើប្រាស់ផ្លូវគ្រប់ប្រភេទផងដែរ ៕






ដោយ ៖ សាលី


Post a Comment (0)
Previous Post Next Post