បន្ទាយមានជ័យ ៖
ជនសង្ស័យជាជនជាតិជនបរទេស និងខ្មែរ ប្រមាណជាង៥០០នាក់ សំងំលាក់ខ្លួនប្រព្រឹត្តបទល្មើសទីតាំង
Online Scam មួយកន្លែង
ស្ថិតក្នុងអគារកញ្ចក់ កម្ពស់៣០ជាន់ ក្នុងភូមិសាមគ្គីមានជ័យ សង្កាត់អូរជ្រៅ
ក្រុងប៉ោយប៉ែត ខេត្តបន្ទាយមានជ័យ
ត្រូវបានកម្លាំងនគរបាលនៃអគ្គស្នងការដ្ឋាននគរបាលជាតិឆ្មក់បង្រ្កាបបាននៅថ្ងៃទី៤
ខែតុលា ឆ្នាំ២០២៦ ។
ប្រតិបត្តិការនេះបានធ្វើឡើងក្រោមការដឹកនាំប្រតិបត្តិការផ្ទាល់ពីលោកឧត្តមសេនីយ៍ឯក
អ៊ី សុឃី អគ្គស្នងការរងនគរបាលជាតិ
សហការជាមួយកម្លាំងគណៈបញ្ជាការឯកភាពខេត្តបន្ទាយមានជ័យ
និងក្រោមការសម្របសម្រួលរបស់តំណាងអយ្យការអមសាលាដំបូងខេត្ត ។
តាមប្រភពពីកន្លែងបង្រ្កាប ប្រតិបត្តិការនេះចាប់ខ្លួនជនសង្ស័យសរុប
ចំនួន៥៨៧នាក់ ក្នុងនោះស្រី ១០៥នាក់ រួមមានជនជាតិឥណ្ឌូនេស៊ី ៥១៨នាក់(ស្រី៧៦នាក់) ថៃ
១៨នាក់(ស្រី៦នាក់) និងខ្មែរ ៥១ នាក់(ស្រី២១នាក់) ។
ក្នុងប្រតិបត្តិការនេះ សមត្ថកិច្ចបានរកឃើញ និងដកហូតសម្ភារជាកុំព្យូទ័រ និងទូររស័ពច្រើនគ្រឿងផងដែរ៕
