ព្រោះតែឥទ្ធិពលគ្រឿងញៀន បុរសម្នាក់បានដុតផ្ទះយាយខ្លួនឯងឆេះអស់ស្ទើរទាំងស្រុង

បាត់ដំបង ៖ ព្រោះតែឥទ្ធិពលនៃការប្រើប្រាស់គ្រឿងញៀន បុរសម្នាក់បានដុតផ្ទះយាយខ្លួនឯងឆេះអស់ស្ទើរទាំងស្រុងបង្កការភ្ញាក់ផ្អើលនៅវេលាម៉ោង ២១និង១០នាទី ថ្ងៃទី៩ ខែតុលា ឆ្នាំ២០២៦ នៅត្រង់ចំណុចក្រុមទី២៣ ភូមិកម្មករ សង្កាត់ស្វាយប៉ោ ក្រុងបាត់ដំបង ។

សមត្ថកិច្ចបានអោយដឹងថា ករណីអគ្គិភ័យខាងលើនេះដែរ បានបណ្ដាលឱ្យឆេះផ្ទះតៀម០១ខ្នង ទំហំ ៤ម៉ែត្រ ×៧ម៉ែត្រ សង់អំពីឈើ ជញ្ជាំងស័ង្កសី  ដំបូលប្រក់ស័ង្កសី ឆេះអស់ស្ទើរទាំងស្រុងរួមជាមួយសម្ភារប្រើប្រាស់ក្នុងផ្ទះផងដែរដែលមានម្ចាស់ឈ្មោះ បឿន សូត្រ ភេទ ស្រី អាយុ ៧៨ឆ្នាំ ត្រូវជាយាយ និងជនបង្កឈ្មោះ ជា កក្កដា ភេទប្រុស អាយុ២២ឆ្នាំ ជាអ្នក( ប្រើប្រាស់គ្រឿងញៀន ) ។

នៅក្នុងហេតុការណ៍គ្រោះអគ្គិភ័យខាងលើនេះដែរ ភ្លាមៗនោះកម្លាំងការិយាល័យនគរបាល បង្ការពន្លត់អគ្គិភ័យ និង សង្រ្គោះ នៃស្នងការដ្ឋាននគរបាលខេត្តបាត់ដំបង បានចេញរថយន្តពន្លត់អគ្គិភ័យចំនួន ០១គ្រឿង ដើម្បីជួយអន្តរាគមន៍បាញ់ពន្លត់ដោយប្រើប្រាស់អស់ទឹកចំនួន ០១រថយន្ត ៕

ដោយ ៖ សាលី