បាត់ដំបង ៖ នៅព្រឹកថ្ងៃទី៣០ ខែកញ្ញា
ឆ្នាំ២០២៦នេះ ឯកឧត្តម សុខ លូ អភិបាលខេត្តបាត់ដំបង
បានដឹកនាំក្រុមការងារចុះសួរសុខទុក្ខ និងនាំយកអំណោយមកចែកជូនប្រជាពលរដ្ឋដែលរងគ្រោះ
និងទទួលរងផលប៉ះពាល់ដោយសារទឹកជំនន់ ចំនួន ១៥០ គ្រួសារ មកពីសង្កាត់ព្រែកព្រះស្តេច
និងសង្កាត់រតនៈ ក្រុងបាត់ដំបង។
អំណោយដែលត្រូវផ្តល់ជូននាពេលនេះក្នុងមួយគ្រួសារទទួលបាន! , អង្ករ២៥គីឡូក្រាម ,មី០១កេស ,ត្រីខ០១យួរ ,ទឹកត្រី០១យួរ ,ទឹកស៊ីអុីវ០១យួរ
ដែលការផ្តល់អំណោយនេះ គឺជាការយកចិត្តទុកដាក់
និងបង្ហាញពីការចូលរួមជួយសម្រាលការលំបាករបស់ប្រជាពលរដ្ឋដែលកំពុងជួបប្រទះបញ្ហាដោយសារគ្រោះធម្មជាតិ។
ក្នុងឱកាសនោះ ឯកឧត្តមអភិបាលខេត្ត
ក៏បានលើកទឹកចិត្តដល់ប្រជាពលរដ្ឋឱ្យបន្តមានការប្រុងប្រយ័ត្ន
និងយកចិត្តទុកដាក់ចំពោះសុវត្ថិភាពរបស់ខ្លួន និងក្រុមគ្រួសារ
ជាពិសេសក្នុងអំឡុងពេលដែលស្ថានភាពទឹកជំនន់នៅតែបន្តមានការប្រែប្រួល។
សកម្មភាពនេះបានបង្ហាញពីការយកចិត្តទុកដាក់របស់អាជ្ញាធរខេត្ត
ក្នុងការរួមចំណែកជួយដោះស្រាយការលំបាក និងផ្តល់កម្លាំងចិត្តដល់ប្រជាពលរដ្ឋដែលរងផលប៉ះពាល់ដោយគ្រោះធម្មជាតិ
៕
ដោយ ៖ សាលី