បាត់ដំបង
៖ មុខសញ្ញាក្មេងទំនើងប្រុសស្រីចំនួន០៨នាក់
ត្រូវបានកម្លាំងការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តបាត់ដំបង
ដែលមានលោកឧត្តមសេនីយ៍ត្រី ហែម វុទ្ធី ជាមេបញ្ជាការ បានធ្វើការបង្ក្រាបឃាត់ខ្លួននៅវេលាម៉ោង១០និង២០នាទី
ថ្ងៃទី២០ ខែសីហា ឆ្នាំ២០២៦ នៅចំណុចបន្ទប់ជួលមួយកន្លែង ស្ថិតក្នុងភូមិកម្មករ
សង្កាត់ស្វាយប៉ោ ក្រុងបាត់ដំបង ក្រោយពួកគេធ្វើសកម្មភាពធាក់ប្លន់ម៉ូតូ
និងដេញកាប់គ្នា ក្នុងភូមិសាស្រ្តក្រុងបាត់ដំបងកាលពីយប់រំលងអធ្រាត្រថ្ងៃទី១៧
និងយប់រំលងអធ្រាត្រថ្ងៃទី១៨ ខែសីហា ឆ្នាំ ២០២៦ ក្នុងក្រុងបាត់ដំបង។
លោក
វរសេនីយ៍ទោ សូ ឌី ប្រធានមន្ទីរស្រាវជ្រាវបទល្មើស
នៃបញ្ជាការដ្ឋានកងរាជអាវុធហត្ថខេត្តបាត់ដំបង បានបញ្ជាក់ថា !
ជនសង្ស័យជាក្រុមក្មេងទំនើងខាងលើ /ទី១.ឈ្មោះ អូន អេង ភេទប្រុស អាយុ ១៦ឆ្នាំ
រស់នៅភូមិតាប៉ុន ឃុំតាប៉ុន ស្រុកសង្កែ /២.ឈ្មោះ ឈូ រ៉ាឆៃ ហៅ ហ្វុង ភេទប្រុស អាយុ
១៦ឆ្នាំ រស់នៅភូមិកំពង់គល់ ឃុំចែងមានជ័យ ស្រុកបាណន់ /៣.ឈ្មោះ ពុធ រក្សារ ភេទប្រុស
អាយុ ២២ឆ្នាំ រស់នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង /៤.ឈ្មោះ ឈួន
រ៉ាយុទ្ធ ហៅប៊ូយ ភេទប្រុស អាយុ ១៦ឆ្នាំ រស់នៅភូមិចំការសំរោង១ សង្កាត់ចំការសំរោង
ក្រុងបាត់ដំបង /៥.ឈ្មោះ សេង វណ្ណា ភេទប្រុស អាយុ ១៧ឆ្នាំ រស់នៅភូមិរូង
ឃុំចែងមានជ័យ ស្រុកបាណន់ /៦.ឈ្មោះ វណ្ណៈ គឹមហាក់ ភេទប្រុស អាយុ ១៧ឆ្នាំ
រស់នៅភូមិព្រែកត្រប់ ឃុំព្រែកនរិន្ទ ស្រុកឯកភ្នំ /៧.ឈ្មោះ រ័ត្ន ធីធារី ហៅ និច្ច
ភេទស្រី អាយុ ១៧ឆ្នាំ រស់នៅភូមិបាយដំរាំ ឃុំឈើទាល ស្រុកបាណន់ /៨.ឈ្មោះ ទុំ ដាវីត ហៅ វិត ភេទប្រុស អាយុ
១៦ឆ្នាំ រស់នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង
ជាមួយវត្ថុតាងដកហូតរួមមាន ៖ កាំបិតផ្គាក់០៤ដើម.ដាវ០១ដើម. កាំបិតតាំងតោ ០១ដើម.
ដែកទីប ០២ដើម.។
លោកប្រធានមន្ទីរបានបញ្ជាក់ថា
ក្រោយពីឃាត់ខ្លួនសួរចម្លើយ ជនសង្ស័យទាំង០៨នាក់ បានសារភាពថា
ពួកខ្លួនបានប្រព្រឹត្តករណីប្លន់សម្រេចបានចំនួន ០៤ករណី
និងករណីហិង្សាដោយចេតនាមានស្ថានទម្ងន់ទោសបានចំនួន ០៣ករណី
នៅក្នុងភូមិសាស្ត្រក្រុងបាត់ដំបង និងស្រុកបាណន់ ដែលគិតចាប់ពីថ្ងៃទី១៧
រហូតដល់ថ្ងៃចាប់ខ្លួន ថ្ងៃទី២០ ខែសីហា ឆ្នាំ២០២៦។
បច្ចុបន្ន ជសង្ស័យនិងវត្ថុតាងកំពុងឃាត់ខ្លួននៅបញ្ជាការដ្ឋានកងរាជអាវុធហត្ថខេត្តបាត់ដំបងដើម្បីកសាងសំណុំរឿងបន្តតាមនីតិវិធីច្បាប់ ៕
ដោយ ៖
សាលី