កំពង់ស្ពឺ ៖ ពិតជាប្រោសទេ
ដែលកូនប្រុសមាសម្តាយហ៊ានលើកដៃប្រមាថកាប់ម្តាយ
ព្រោះតែខឹងក្រោយម្តាយស្តីបន្ទោសរឿងសុំលុយមួយម៉ឺនរៀលហើយចាប់មេមាន់ធ្វើអ្វីទៀត។
សមត្ថកិច្ចមូលដ្ឋានស្រុកភ្នំស្រួចឱ្យដឹងនៅថ្ងៃទី២៨ ខែសីហា ឆ្នាំ២០២៦នេះថា
កម្លាំងនគរបាលនៃអធិការដ្ឋាននគរបាលស្រុកបានធ្វើការឃាត់ខ្លួនកូនបុរសម្នាក់ឈ្មោះ ដួង
ស៊ីណាត ភេទប្រុស អាយុ៣៨ឆ្នាំ ក្រោយគំរាមសម្លាប់ម្ដាយបង្កើតឈ្មោះ លី សាអ៊ុំ អាយុ៦២ឆ្នាំ
រស់នៅភូមិត្រពាំងស្ដុកគ្រួ ឃុំអូរ ស្រុកភ្នំស្រួច។សមត្ថកិច្ចនិយាយថា ជនសង្ស័យជាកូនបានសុំលុយម្ដាយចំនួន
១០,០០០ (មួយម៉ឺនរៀល)
និងបានចាប់មេមាន់កំពុងក្រាបពងមួយក្បាលទៀតទៅធ្វើសាច់ក្លែម។តែដោយឃើញកូនប្រុសចាប់មេមាន់កំពុងក្រាបពង
ម្ដាយស្រែកសួរថាហេតុអីបានជាឯងយកលុយហើយ ចាប់មេមាន់ធ្វើអីទៀត
គ្រាន់តែឮម្តាយសួរដូច្នេះកើតក្តីក្រោធក៏ស្រែកជេរម្ដាយនិងប្រមាថសម្លាប់ចោល ។
នៅចំពោះមុខសមត្ថកិច្ច ឈ្មោះ ដួង ស៊ីណាត បានឆ្លើយសារភាពថាខ្លួនពិតជាបានធ្វើសកម្មភាពដូចបានរៀបរាប់របស់ម្ដាយពិតមែន
មកពីកំហឹងនៃការសន្យារបស់ពួកម៉ាករង់ចាំថាយកមាន់ទៅជប់លៀង។ក្រោយឃាត់ខ្លួនសមត្ថកិច្ចបានប្រមូលយកវត្ថុតាងកាំបិតផ្គាក់១និង
កាំបិតបុ័ងតោ១ដែលជាឧបករណ៍គំរាមសម្លាប់ម្ដាយ ។
សូមបញ្ជាក់ថា ជនសង្ស័យឈ្មោះ ដួង ស៊ីណាត
ធ្លាប់ត្រូវបានឃាត់ខ្លួននិងបញ្ជូនទៅដាក់នៅក្នុងមណ្ឌលអប់រំកែប្រែនិងបន្សាបគ្រឿងញៀន
ចំនួន៦លើកមកហើយ
បច្ចុប្បន្នកំពុងកសាងសំណុំរឿងបញ្ជូនបន្តទៅកាន់ស្នងការដ្ឋានខេត្តកំពង់ស្ពឺ
ដើម្បីបន្តនីតិវិធី ៕
ដោយ ៖ ប៊ុត សារុន