បាត់ដំបង
៖ ក្មេងស្រីសិស្សសាលាម្នាក់រងរបួសធ្ងន់
ក្រោយជួបឧបទ្ទវហេតុគ្រោះថ្នាក់រវាងម៉ូតូនិងរថយន្តបាញ់ស៊ីម៉ង់ត៍នៅវេលាម៉ោង
១១និង០៥នាទី ថ្ងៃទី២២ ខែកក្កដា ឆ្នាំ២០២៦ នៅតាមបណ្តោយផ្លូវជាតិលេខ៥
ចំណុចភ្លើងស្តុបផ្សារបឹងឈូក ស្ថិតក្នុងភូមិផ្កាស្លា សង្កាត់ចំការសំរោង
ក្រុងបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដា SCOOPY ពណ៌ខ្មៅមួយគ្រឿង
ពាក់ផ្លាកលេខ បាត់ដំបង1AY-6781
បើកបរដោយក្មេងស្រីសិស្សសាលាម្នាក់ ទិសដៅពីកើតទៅលិច ចំណែករថយន្តជាប្រភេទរថយន្តបាញ់ស៊ីម៉ង់ត៍របស់ក្រុមហ៊ុនតាំងណាំសែ
ពណ៌ស ដែលមានផ្លាកលេខ បាត់ដំបង 5A-0079
បើកបរដោយបុរសម្នាក់ទិសដៅស្របគ្នាពីកើតទៅលិច
លុះមកដល់ចំណុចកើតហេតុបានជ្រុលមកបុកម៉ូតូខាងលើអោយដួល
ខ្ទាតក្មេងសិស្សសាលាចូលរថយន្តបណ្តាលអោយរងរបួសធ្ងន់
ហើយរថយន្តព្យាយាមបើករត់តែត្រូវសមត្ថកិច្ចតាមស្ទាក់បាន។
ក្រោយពេលកើតហេតុក្មេងស្រីសិស្សសាលាត្រូវបានដឹកបញ្ជូនទៅសង្គ្រោះព្យាបាលនៅមន្ទីរពេទ្យ ចំណែកមធ្យោបាយត្រូវបានសមត្ថកិច្ចជំនាញចុះមកវាស់វែងធ្វើកំណត់ហេតុយកទៅរក្សាទុកដើម្បីដោះស្រាយតាមផ្លូវច្បាប់ ៕
ដោយ ៖
សាលី