ជិះម៉ូតូឆ្លងផ្លូវមិនប្រយ័ត្ន ត្រូវម៉ូតូ០១គ្រឿងផ្សេងទៀតបុកពេញទំហឹង បណ្តាលអោយរបួសធ្ងន់ ០២នាក់

បាត់ដំបង ៖ យ៉ាងហោចណាស់បុរស០២នាក់បានរងរបួសធ្ងន់ ក្រោយជួបឧបទ្ទវហេតុគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូនៅវេលាម៉ោង ១១និង០០នាទី ថ្ងៃទី១៤ ខែកក្កដា ឆ្នាំ២០២៦ នៅតាមបណ្តោយផ្លូវខាងជើងរង្វង់មូលដៃប្រាំបី នៅចំណុចក្រុមទី១៩ ស្ថិតក្នុងភូមិចំការសំរោង២ សង្កាត់ចំការសំរោង ក្រុងបាត់ដំបង។

 

ប្រភពនៅកន្លែងកើតហេតុបានអោយដឹងថា ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកវ៉េវ ពណ៌ខ្មៅមួយគ្រឿង ពាក់ផ្លាកលេខ កំពង់ឆ្នាំង1G-0229 បើកបរដោយបុរសម្នាក់ទិសដៅពីលិចទៅកើត (ឆ្លងផ្លូវ) ចំណែកម៉ូតូមួយគ្រឿងទៀតម៉ាកហុងដាឌ្រីមពណ៌ខ្មៅ ពាក់ផ្លាកលេខបាត់ដំបង1Q-2073 បើកបរដោយយុវជនម្នាក់ ទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុខាងលើក៏ជ្រុលបុកម៉ូតូម៉ាកវ៉េវពេញទំហឹងបណ្តាលអោយរងរបួ.សធ្ង.ន់ទាំង០២នាក់តែម្តង។

 

ក្រោយពេលកើតហេតុជនរងគ្រោះត្រូវបានដឹកបញ្ជូនទៅសង្រ្គោះព្យាបាលនៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចជំនាញចុះមកវាស់វែងធ្វើកំណត់ហេតុយកទៅរក្សាទុកនៅការិយាល័យជំនាញដើម្បីរងចាំដោះស្រាលតាមផ្លូវច្បាប់ ៕

ដោយ ៖ សាលី