បាត់ដំបង
៖ យ៉ាងហោចណាស់បុរស០២នាក់បានរងរបួសធ្ងន់
ស្រាលក្រោយជួបឧបទ្ទវហេតុគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូនៅវេលាម៉ោង
១១និង៥០នាទី ថ្ងៃទី២៥ ខែកក្កដា ឆ្នាំ២០២៦ នៅលើផ្លូវបេតុងខាងក្រោយសាលាពន្លឺសិល្បះ
ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដាឌ្រីមពណ៌ខ្មៅមួយគ្រឿង
ពាក់ផ្លាកលេខ ភ្នំពេញ 1BT-9568 បើកបរដោយបុរសម្នាក់ទិសដៅពីត្បូងទៅជើង (ឆ្លងផ្លូវ)
ចំណែកម៉ូតូមួយគ្រឿងទៀតម៉ាកហុងដា CLICK ពណ៌ស ពាក់ផ្លាកលេខ
បាត់ដំបង 1AQ-0237 បើកបរដោយបុរសម្នាក់ ទិសដៅពីកើតទៅលិច
លុះមកដល់ចំណុចកើតហេតុខាងលើក៏ជ្រុលទៅបុកម៉ូតូម៉ាកហុងដាឌ្រីមពេញទំហឹងបណ្តាលអោយរងរបួ.សធ្ង.ន់ស្រាលទាំង០២នាក់តែម្តង។
ក្រោយពេលកើតហេតុជនរងគ្រោះត្រូវបានដឹកបញ្ជូនទៅសង្រ្គោះព្យាបាលនៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចជំនាញចុះមកវាស់វែងធ្វើកំណត់ហេតុយកទៅរក្សាទុកនៅការិយាល័យជំនាញដើម្បីរងចាំដោះស្រាលតាមផ្លូវច្បាប់៕
ដោយ ៖
សាលី