បាត់ដំបង
៖ នារីម្នាក់បានរងរបួសរលាត់ជង្គង់ ភ្លៅ និងម្រាមដៃ
ក្រោយជួបឧបទ្ទវហេតុគ្រោះថ្នាក់ចរាចរណ៍រវាងរថយន្តនិងម៉ូតូនៅវេលាម៉ោង ១២និង២០នាទី
ថ្ងៃទី២៦ ខែកក្កដា ឆ្នាំ២០២៦ នៅតាមបណ្តោយផ្លូវជាតិលេខ៥៧
ចំណុចខាងលិចក្បែរស្ពានវត្តគរ ស្ថិតក្នុងភូមិវត្តគរ សង្កាត់វត្តគរ ក្រុងបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដាឌ្រីម ពណ៌ខ្មៅមួយគ្រឿង
ពាក់ផ្លាកលេខ បាត់ដំបង1AP-5948 បើកបរដោយនារីម្នាក់
ទិសដៅពីលិចទៅកើត ចំណែករថយន្តម៉ាក Vitz ពណ៌ខ្មៅ ពាក់ផ្លាកលេខ
ភ្នំពេញ 2BN-2739បើកបរដោយបុរសម្នាក់ទិសដៅពីជើងទៅត្បូង(ឆ្លងផ្លូវ)
ក៏បានជ្រុលទៅបុកម៉ូតូខាងលើអោយដួលបណ្តាលអោយនារីអ្នកបើកបររងរបួសតែម្តង។
ក្រោយពេលកើតហេតុនារីរងគ្រោះត្រូវបានដឹកបញ្ជូនទៅព្យាបាលនៅមន្ទីរពេទ្យ
បន្ទាប់មកភាគីទាំងសងខាងបានធ្វើការសម្របសម្រួលគ្នា
ដោយភាគីខាងរថយន្តជួយសំណងទៅខាងភាគីម៉ូតូចំនួន២០០ដុល្លារដើម្បីបញ្ចប់រឿងផងដែរ ៕
ដោយ ៖
សាលី