បាត់ដំបង ៖
ព្រឹត្តិការណ៍ពិព័រណ៍ផ្លែឈើបាត់ដំបងនឹងប្រព្រឹត្តទៅក្នុងរយៈពេល១០ថ្ងៃ
ចាប់ពីថ្ងៃទី១០ ដល់ថ្ងៃទី១៩ ខែកក្កដា ឆ្នាំ២០២៦ នៅបរិវេណខាងក្នុង
និងខាងមុខអគារសារមន្ទីរប្រវត្តិសាស្ត្រខេត្តបាត់ដំបង ។
ក្នុងដំណើរការអញ្ជើញដឹកនាំក្រុមការងារពិនិត្យការរៀបចំទីតាំង
និងចូលរួមការហាត់សមក្បួនដង្ហែផ្លែឈើតំណាងក្រុង-ស្រុកទាំង ១៤ ក្នុងព្រឹត្តិការណ៍ផ្លែឈើបាត់ដំបង២០២៦
កាលពីរសៀលថ្ងៃទី០៩ ខែកក្កដា ឆ្នាំ២០២៦ ម្សិលមិញនេះ ឯកឧត្តម សុខ លូ អភិបាល
នៃគណៈអភិបាលខេត្តបាត់ដំបង បានមានប្រសាសន៍ថា
ព្រឹត្តិការណ៍ដ៏សំខាន់នេះនឹងប្រព្រឹត្តទៅក្នុងរយៈពេល១០ថ្ងៃ ចាប់ពីថ្ងៃទី១០
ដល់ថ្ងៃទី១៩ ខែកក្កដា ឆ្នាំ២០២៦ នៅបរិវេណខាងក្នុង និងខាងមុខអគារសារមន្ទីរប្រវត្តិសាស្ត្រខេត្តបាត់ដំបង
ឯកឧត្តមអភិបាលខេត្តបានបញ្ជាក់ថា
ព្រឹត្តិការណ៍ពិព័រណ៍ផ្លែឈើបាត់ដំបង ឆ្នាំ២០២៦នេះ
នឹងមានសកម្មភាពសំខាន់ៗជាច្រើនរួមមាន ពិព័រណ៍ និងលក់ផ្លែឈើប្រចាំខេត្តបាត់ដំបង
ក្បួនដង្ហែផ្លែឈើតំណាងក្រុង ស្រុកទាំង១៤ ក្នុងខេត្ត កម្មវិធីបុហ្វេទុរេន
ការភ្លក្សរសជាតិផ្លែឈើបាត់ដំបង ការតាំងបង្ហាញផលិតផលកសិកម្ម និងផលិតផលក្នុងស្រុក
កម្មវិធីសិល្បៈវប្បធម៌ ,ការប្រគុំតន្ត្រី ការប្រកួតប្រជែង
និងសកម្មភាពកម្សាន្តផ្សេងៗជាច្រើនទៀត ៕
ដោយ ៖ សាលី