បាត់ដំបង ៖ គិតត្រឹមរយៈពេល០៣ថ្ងៃនៃពិធីបុណ្យចូលឆ្នាំប្រពៃណីជាតិខ្មែរ
ត្រូវនឹងថ្ងៃទី ១៤ .១៥ .១៦ ខែមេសា ឆ្នាំ២០២៦
សម្រាប់ខេត្តបាត់ដំបងទទួលបានភ្ញៀវទេសចរដែលមកទស្សនាលេងកម្សាន្តនៅតាមបណ្តារមណីយដ្ឋាន
គោលដៅទេសចរណ៍ និងសង្ក្រាន្តបាត់ដំបង សរុបចំនួន ៩៣៤,១៨៩នាក់
នេះបើយោងតាមរបាយការណ៍របស់ ប្រធានមន្ទីរទេសចរណ៍ខេត្តបាត់ដំបង។
របាយការណ៍បានបញ្ជាក់ថា នៅថ្ងៃទី០១
នៃពិធីបុណ្យចូលឆ្នាំប្រពៃណីជាតិខ្មែរ ដែលត្រូវនឹងថ្ងៃទី១៤ ខែមេសា ឆ្នាំ២០២៦
មានភ្ញៀវទេសចរសរុបចំនួន ២៣៩,៤៣៩នាក់ ថយចុះ -៤១.១៤%
បើប្រៀបធៀបនឹងឆ្នាំ២០២៥ ក្នុងនោះភ្ញៀវទេសចរជាតិមានចំនួន ២៣៨,៩៩៦ នាក់ ថយចុះ ៤១.១៤% និងភ្ញៀវទេសចរអន្តរជាតិមានចំនួន ៤៤៣នាក់ ថយចុះ
៤៣.២១% ។
ថ្ងៃទី០២ ត្រូវនឹងថ្ងៃទី១៥ ខែមេសា ឆ្នាំ២០២៦
មានភ្ញៀវទេសចរសរុបចំនួន ៤២៣,៥៨០នាក់ ថយចុះ-៣៦.០៥%
បើប្រៀបធៀបនឹងឆ្នាំ២០២៥ ក្នុងនោះភ្ញៀវទេសចរជាតិមានចំនួន ៤២២,៩៦០នាក់ ថយចុះ -៣៦.០៥% និងភ្ញៀវទេសចរអន្តរជាតិមានចំនួន ៦២០នាក់ ថយចុះ
-៣៥.២១%។
ថ្ងៃទី០៣ ត្រូវនឹងថ្ងៃទី១៦ ខែមេសា ឆ្នាំ២០២៦
មានភ្ញៀវទេសចរសរុបចំនួន ២៧១,១៧០នាក់ ថយចុះ-៥៩.៦៩%
បើប្រៀបធៀបនឹងឆ្នាំ២០២៥ ក្នុងនោះភ្ញៀវទេសចរជាតិមានចំនួន ២៧០,៦៣៧នាក់ ថយចុះ -៥៩.៧០% និងភ្ញៀវទេសចរអន្តរជាតិមានចំនួន ៥៣៣នាក់ ថយចុះ
-៥៣.៧៣%។
លោក អ៊ុច អ៊ុំភីនីស្សារ៉ា ប្រធានមន្ទីរទេសចរណ៍ខេត្តបាត់ដំបងបានបញ្ជាក់ថា កត្តាដែលនាំអោយភ្ញៀវទេសចរមានការថយចុះ កត្តាទី០១ដោយសារតែមិនមានការលេងបាញ់ទឹក ,ទី០២ អាកាសធាតុក្តៅ ,និងទី០៣ ដោយសារបញ្ហាប្រេងសាំងឡើងថ្លៃ ៕
ដោយ ៖ សាលី