បាត់ដំបង ៖
ក្រុមក្មេងទំនើងចំនួន០៣នាក់ត្រូវបានកម្លាំងផ្នែកជំនាញនៃអធិការដ្ឋាននគរបាលស្រុកបាណន់
សហការជាមួយកម្លាំងប៉ុស្តិ៍នគរបាលរដ្ឋបាលតាគ្រាម
ចុះប្រតិបត្តិការបង្ក្រាបឃាត់ខ្លួនក្រោយពួកគេជិះម៉ូតូបង្ហោះតាមដងផ្លូវទីសាធារណៈក្នុងមូលដ្ឋានស្រុកបាណន់។
លោកវរសេនីយ៍ទោ ហេង បារំាង អធិការនគរបាលស្រុកបាណន់
បានអោយដឹងថា កិច្ចប្រតិបត្តិការខាងលើនេះធ្វើឡើងតាមអនុសាសន៍ដ៏ខ្ពង់ខ្ពស់របស់ឯកឧត្តម
នាយឧត្តមសេនីយ៍ ស ថេត អគ្គស្នងការនគរបាលជាតិ និងយោបល់ដឹកនាំរបស់លោកឧត្តមសេនីយ៍ទោ
ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង ដោយបានឃាត់ខ្លួនក្រុមក្មេងទំនើងចំនួន០៣នាក់
និងម៉ូតូ០២គ្រឿងក្រោយពួកគេធ្វើសកម្មភាពបង្ហោះម៉ូតូតាមដងផ្លូវកៅស៊ូមួយកន្លែងស្ថិតក្នុងភូមិប៉ោយស្វាយ
ឃុំតាគ្រាម ស្រុកបាណន់ ខេត្តបាត់ដំបង ។
ក្រោយពេលនាំខ្លួនមកសាកសួរនៅអធិការដ្ឋាននគរបាលស្រុក ក្រុមក្មេងទំនើងទាំង០៣នាក់ត្រូវបានសមត្ថកិច្ចធ្វើការអប់រំណែនាំដោយធ្វើកិច្ចសន្យាឱ្យបញ្ឈប់សកម្មភាពល្មើស ហើយបានឱ្យអាណាព្យាបាលមកធានាយកទៅអប់រំបន្ត ចំណែកម៉ូតូត្រូវបានដកហូតរក្សាទុករយៈពេល០៣ខែផងដែរ ៕
ដោយ ៖ សាលី