បាត់ដំបង ៖ រថយន្តMorning មួយគ្រឿងសង្ស័យតៃកុងបើកបរខ្វះការប្រុងប្រយ័ត្នបានជ្រុលធ្លាក់ចូលប្រឡាយទឹកស្អុយបង្កការភ្ញាក់ផ្អើលនៅវេលាម៉ោង១៤និង០០នាទី
ថ្ងៃទី០៧ ខែកុម្ភះ ឆ្នាំ២០២៦ នៅចំណុចខាងមុខប្រាសាទឯកភ្នំ ស្ថិតក្នុងភូមិពាមឯក
ឃុំព្រែកនរិន្ទ ស្រុកឯកភ្នំ ខេត្តបាត់ដំបង។
ប្រភពនៅកន្លែងកើតហេតុបានប្រាប់ថា ករណីគ្រោះថ្នាក់ចរាចរណ៍បង្កឡើងដោយខ្លួនឯងខាងលើនេះដំបូងឡើយគេឃើញរថយន្តម៉ាក
Morning ពណ៌ស០១គ្រឿង ពាក់ផ្លាកលេខ បាត់ដំបង2C-4283 បើកបរដោយបុរសម្នាក់ទិសដៅពីជើងទៅត្បូង
លុះមកដល់ចំណុចកើតហេតុខាងលើក៏បានជ្រុលចង្កូតធ្លាក់ចូលប្រឡាយទឹកស្អុយ
តែសំណាងល្អមិនបង្កអោយមានគ្រោះថ្នាក់ដល់មនុស្សឡើយ។
ក្រោយពេលកើតហេតុ ម្ចាស់រថយន្តបានទាក់ទងខាងរថយន្តស្ទូចមកស្ទូចយករថយន្តឡើងចេញពីប្រឡាយទឹកស្អុយដើម្បីយកទៅធ្វើការជួសជុលដោយខ្លួនឯង ៕
ដោយ ៖ សាលី