ប៉ៃលិន ៖ ថ្ងៃទី៧ ខែកុម្ភៈ ឆ្នាំ២០២៦
ឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន
និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា បានអញ្ជើញជាអធិបតីភាព
ក្នុងពិធីប្រកាស តែងតាំងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន
ជាប្រធានគណៈកម្មាធិការ សមាគម អតីតយុទ្ធជន និងនិវត្តជនកម្ពុជាខេត្តប៉ៃលិន។
បន្ទាប់ពីទទួលបានការប្រកាសតែងតាំងថ្មី
លោកជំទាវបណ្ឌិត បាន ស្រីមុំ ប្រធានគណៈកម្មាធិការសមាគមអតីត យុទ្ធជន
និងនិវត្តជនកម្ពុជាខេត្តប៉ៃលិន
បានមានប្រសាសន៍សម្ដែងនូវការអរគុណចំពោះសម្ដេចអគ្គមហាសេនា បតី តេជោ ហ៊ុន សែន
ព្រមទាំងប្តេជ្ញាចិត្តគោរពតាមការសម្រេចចិត្តរបស់គណៈកម្មាធិការសមាគមអតីតយុទ្ធជន
និងនិវត្ត ជនកម្ពុជា ដោយពង្រឹងសាមគ្គីភាពផ្ទៃក្នុង
ដើម្បីបន្តដឹកនាំសមាគមឱ្យរីកចម្រើនបន្ថែមទៀត ជាពិសេសប្រតិបត្តិយ៉ាងខ្ជាប់ ខ្ជួន
នូវ លក្ខន្តិកៈរបស់សមាគម ,យកចិត្តទុកដាក់ខ្ពស់ចំពោះសុខុមាលភាព
និងជីវភាពរបស់សមាជិក ផ្តល់ការគាំទ្រចំពោះ សមាជិក ដែលជួបការខ្វះខាតកំពុងមានជំងឺ
ផ្តល់ការឧបត្ថម្ភដល់គ្រួសារសមាជិក ដែលបានទទួលមរណភាព ឱ្យទាន់ពេល វេលា
សំដៅរួមចំណែកសម្រាលទុក្ខលំបាករបស់ពួកគាត់។
ឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីម
ទេសរដ្ឋមន្ត្រី អនុប្រធាន និងជាអគ្គលេខាធិការសមាគម អតីត យុទ្ធជន
និងនិវត្តជនកម្ពុជា បានមានប្រសាសន៍លើកឡើងថា៖ “អតីតយុទ្ធជន
និងនិវត្តជន ពួកគាត់ពិតជាបានលះ បង់ធំធេងណាស់សម្រាប់ជាតិមាតុភូមិ ដូច្នេះហើយទើបសម្ដេចអគ្គមហាសេនាបតីតេជោហ៊ុន
សែន បង្កើតឱ្យមាន សមាគម នេះឡើង
គឺដើម្បីឱ្យយើងជួយមើលថែចិញ្ចឹមពួកគាត់ជាពិសេសបន្តទទួលបានការយកចិត្តទុកដាក់ និង
អត្ថប្រយោជន៍ បន្ថែមទៀតពីរាជរដ្ឋាភិបាល។
ឯកឧត្តមកិត្តិសង្គហបណ្ឌិត បានមានប្រសាសន៍បញ្ជាក់ថា៖
នាយឧត្តមសេនីយ៍ផុតលេខ ផ្កាយមាស៥ សម្តេច អគ្គ មហាសេនាបតី តេជោ ហ៊ុន សែន
ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា និង សម្ដេច
ធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាអនុប្រធានទី១ សមាគមអតីតយុទ្ធជន
និងនិវត្តជនកម្ពុជា តែងតែយកចិត្តទុកដាក់គិតគូរចំពោះជីវភាពរស់នៅរបស់អតីតយុទ្ធជន
ដែលមានគុណបំណាច់ដ៏ធំធេងមិនអាចកាត់ថ្លៃ បាន ហ៊ានលះបង់សាច់ស្រស់ ឈាមស្រស់
និងធ្វើពលីកម្មគ្រប់បែបយ៉ាង ក្នុងបុព្វហេតុរំដោះប្រទេសជាតិ ប្រជាជន
ឱ្យរួចផុតពីរបបប្រល័យពូជសាសន៍ ធ្វើឱ្យប្រទេសកម្ពុជាមានសុខសន្តិភាព
និងមានការអភិវឌ្ឍរីកចម្រើនរហូតដល់ សព្វថ្ងៃ។
ឯកឧត្តមកិត្តិសង្គហបណ្ឌិត គន់ គីម
បានមានប្រសាសន៍ថ្លែងការកោតសរសើរចំពោះលោក ជំទាវបណ្ឌិត បាន ស្រីមុំ អភិបាល
នៃគណៈអភិបាលខេត្តប៉ៃលិន ដែលបានយកចិត្តទុកដាក់គិតគូរដល់សុខទុក្ខអតីត យុទ្ធជន និងវិវត្តជន
នៅក្នុងខេត្ត, រដ្ឋបាលក្រុង/ស្រុក និងមេឃុំ/ចៅសង្កាត់
មេប៉ុស្តិ៍នគរបាលរដ្ឋបាល អធិការក្រុង/ស្រុក ដែលបានយកចិត្តទុក ដាក់មើលថែអតីតយុទ្ធជន
នៅក្នុងមូលដ្ឋានរបស់ខ្លួនបានយ៉ាងល្អប្រសើរ ហើយបន្ថែមពីលើនេះ សូមជំរុញលើកទឹកចិត្ត
ដល់ អាជ្ញាធរ និងបណ្ដាមន្ទីរអង្គភាពពាក់ព័ន្ធ ត្រូវបន្តខិតខំយកចិត្តទុកដាក់ខ្ពស់
ក្នុងការជួយដោះ ស្រាយ ចំពោះជីវភាព សុខភាព
និងបញ្ហាប្រឈមនានារបស់អតីតយុទ្ធជនឱ្យបានកាន់តែល្អប្រសើរឡើង ថែមទៀតផង ដែរ។
ក្នុងឱកាសនោះ ឯកឧត្ដមនាយឧត្តមសេនីយ៍ កិត្តិសង្គហបណ្ឌិត គន់ គីម បានផ្ដល់សម្ភារៈបរិក្ខាមួយចំនួន ដល់គណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តប៉ៃលិន សម្រាប់បម្រើការងារ ព្រមទាំងឧបត្ថម្ភថវិកា និងសម្ភារៈ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ដល់អតីតយុទ្ធជន និងនិវត្តជននៅក្នុងខេត្តផងដែរ៕
