បាត់ដំបង ៖ រថយន្ត HIGH LANDER មួយគ្រឿងបើកបរឆ្លងផ្លូវមិនប្រយ័ត្នជ្រុលទៅបុករថយន្តធុនធំពេញទំហឹងបណ្តាលអោយរងការខូចខាតយ៉ាងដំណំនៅវេលាម៉ោង
០៧និង៣០នាទី ថ្ងៃទី០៨ ខែកុម្ភះ ឆ្នាំ២០២៦ នៅត្រង់ចំណុចផ្លូវប្រសប់ហៃវ៉េពុកឆ្មា
ស្ថិតក្នុងភូមិស្វាយធំ ឃុំអន្លង់វិល ស្រុកសង្កែ ខេត្តបាត់ដំបង ។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងរថយន្តម៉ាក HYUNDAI
TRACTOR HEAD ពណ៌ទឹកប្រាក់០១គ្រឿង ពាក់ផ្លាកលេខ បាត់ដំបង3A-5134 បើកបរដោយបុរសម្នាក់ទិសដៅពីកើតទៅលិច ចំណែករថយន្តមួយគ្រឿងទៀតម៉ាក TOYOTA
HIGH LANDER ពណ៌ទឹកប្រាក់ ពាក់ផ្លាកលេខ ភ្នំពេញ 2Y-8370 បើកបរដោយបុរសម្នាក់
ទិសដៅពីជើងទៅត្បូងលុះមកដល់ចំណុចកើតហេតុក៏បានជ្រុលចង្កូតទៅបុករថយន្តធុនធំពេញទំហឹងបណ្តាលអោយរងការខូចខាតយ៉ាងដំណំ
តែមិនបណ្តាលអោយមាននរណាម្នាក់រងរបួសឡើយ។
ក្រោយពេលកើតហេតុ សមត្ថកិច្ចនគរបាលផ្នែកចរាចរណ៍ផ្លូវគោក នៃអធិការដ្ឋាននគរបាលស្រុកសង្កែចុះមកវាស់វែងធ្វើកំណត់ហេតុយកទៅរក្សាទុកដើម្បីចាត់ការតាមផ្លូវច្បាប់ ៕
ដោយ ៖ សាលី