បាត់ដំបង ៖ យ៉ាងហោចណាស់បុរស០៤នាក់បានរងរបួសធ្ងន់
នៅក្នុងហេតុការណ៍ម៉ូតូ០២គ្រឿងបុកគ្នានៅវេលាម៉ោង ១៩និង៣០នាទី ថ្ងៃទី១២ ខែ កុម្ភៈ
ឆ្នាំ២០២៦ នៅលើកំណាត់ផ្លូវជាតិលេខ៥ ត្រង់ចំណុចក្រុមទី០២ ភូមិស្វាយធំ ឃុំអូរដំបង២
ស្រុកសង្កែ ខេត្តបាត់ដំបង ។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដាឌ្រីមពណ៌ខ្មៅ
សេរីឆ្នាំ២០១៩ ពាក់ផ្លាកលេខ បាត់ដំបង 1AF-1309
បើកបរដោយបុរសម្នាក់ និងអ្នករួមដំណើរម្នាក់ ទិសដៅពីលិចទៅកើត
ចំណែកម៉ូតូ០១គ្រឿងទៀតម៉ាកហុងដាឌ្រីមពណ៌ខ្មៅ សេរីឆ្នាំ២០១៩ ពាក់ផ្លាកលេខ ប៉ៃលិន 1C-5259 បើកបរដោយបុរសម្នាក់និងអ្នករួមដំណើរម្នាក់ ទិសដៅពីកើតទៅលិច
លុះមកដល់ចំណុចកើតហេតុខាងលើបានបុកគ្នាពេញទំហឹងបណ្តាលអោយរងរបួសធ្ងន់ទាំង០៤នាក់តែម្តង។
ក្រោយពេលកើតហេតុជនរងគ្រោះត្រូវបានដឹកបញ្ចូនទៅសង្គ្រោះបន្ទាន់នៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចចុះមកវាស់វែងធ្វើកំណត់ហេតុយកទៅរក្សាទុកនៅអធិការដ្ឋាននគរបាលស្រុកសង្កែដើម្បីចាត់ការតាមនីតិវិធី ៕
ដោយ ៖ សាលី