បាត់ដំបង ៖
យ៉ាងហោចណាស់ក្មេងស្រីសិស្សសាលាចំនួន០២នាក់
និងបុរសម្នាក់បានរងរបួសធ្ងន់ស្រាលនៅក្នុងហេតុការណ៍គ្រោះថ្នាក់ចរាចរណ៍មួយដែលកើតឡើងរវាងម៉ូតូ០២គ្រឿងបុកគ្នាពេញទំហឹងនៅវេលាម៉ោង១០និង០០នាទី
ថ្ងៃទី១៣ ខែកុម្ភៈ ឆ្ឆ្នាំ២០២៦ នៅត្រង់ចំណុចក្បែរប៉ុស្តិ៍នគរបាលរដ្ឋបាលវត្តគរ
ស្ថិតក្នុងភូមិខ្សាច់ពោយ សង្កាត់វត្តគរ ក្រុងបាត់ដំបង ។
ប្រភពនៅកន្លែងកើតហេតុបានប្រាប់ថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដា CLICKពណ៌សមួយគ្រឿងពាក់ផ្លាកលេខ បាត់ដំបង 1T-5134
បើកបរដោយក្មេងស្រីសិស្សសាលាម្នាក់ និងអ្នករួមដំណើរម្នាក់ ទិសដៅពីត្បូងទៅជើង
ចំណែកម៉ូតូ០១គ្រឿងផ្សេងទៀតម៉ាកហុងដាឌ្រីមពណ៌ខ្មៅ ពាក់ផ្លាកលេខ បាត់ដំបង 1C-7892 បើកបរដោយបុរសម្នាក់ទិសដៅពីជើងទៅត្បូង លុះមកដល់ចំណុចកើតហេតុខាងលើ
បានឡើងវ៉ារថយន្តខាងមុខក៏ជ្រុលទៅបុកគ្នាពេញទំហឹងបណ្តាលអោយភាគីខាងម៉ូតូCLICK រងរបួសធ្ងន់ស្រាល០២នាក់ចំណែកភាគីខាងម៉ូតូម៉ាកហុងដាឌ្រីមរងរបួសធ្ងន់។
ក្រោយពេលកើតហេតុ ក្រុមគ្រូពេទ្យ រួមនិងសមត្ថកិច្ចជំនាញបានចុះទៅដល់ដឹកបញ្ជូនជនរងគ្រោះទៅសង្គ្រោះព្យាបាលនៅមន្ទីរពេទ្យស្នងការខេត្ត ចំណែកមធ្យោបាយទាំងពីរត្រូវបានវាស់វែងយកទៅរក្សាទុកនៅ ការិយាល័យចរាចរណ៍ផ្លូវគោកដើម្បីរងចាំដោះស្រាយតាមផ្លូវច្បាប់ ៕
ដោយ ៖ សាលី