បាត់ដំបង ៖ រថយន្ត CAMRY បោះពួយលឿនជ្រុលទៅបុកម៉ូតូដែលកំពុងឆ្លងផ្លូវបណ្តាលអោយបុរសម្នាក់ស្លាប់ភ្លាមៗរួចម៉ូតូប៉ើងទៅបុកម៉ូតូសណ្តោងរទេះមួយគ្រឿងផ្សេងទៀតដែលចតចោលបង្កការភ្ញាក់ផ្អើលនៅវេលាម៉ោង ១៨និង១០នាទី ថ្ងៃទី២៧ ខែមករា ឆ្នាំ ២០២៦ នៅតាមបណ្តោយផ្លូវហៃវ៉េ ស្ថិតក្នុងភូមិជ្រៃថ្មី ឃុំជ្រៃ ស្រុកថ្មគោល ខេត្តបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដាឌ្រីមពណ៌ខ្មៅមួយគ្រឿង
ពាក់ផ្លាកលេខ បាត់ដំបង1V-9484
បើកបរដោយបុរសម្នាក់ទិសដៅពីលិចទៅកើត(ឆ្លងផ្លូវ) ចំណែករថយន្តម៉ាកCAMRY ពាក់ផ្លាកលេខ ភ្នំពេញ 2R-8550 បើកបរដោយបុរសម្នាក់
ទិសដៅពីត្បូងទៅជើងក្នុងល្បឿនយ៉ាងលឿន ក៏ជ្រុលមកបុកពេញទំហឹងបណ្តាលអោយអ្នកបើកបរម៉ូតូស្លាប់ភ្លាមៗ
បន្ទាប់មកម៉ូតូបានប៉ើងទៅបុកម៉ូតូសណ្តោងរទេះដែលចតចោលផងដែរ។
ក្រោយពេលកើតហេតុសមត្ថកិច្ចជំនាញបានចុះទៅវាស់វែងធ្វើកំណត់ហេតុយកមធ្យោបាយទាំងអស់ទៅរក្សាទុកនៅការិយាល័យចរាចរណ៍ផ្លូវគោកដើម្បីរងចាំដោះស្រាយតាមផ្លូវច្បាប់ ចំណែកសពត្រូវបានប្រគល់អោយសាច់ញាតិយកទៅរៀបចំធ្វើបុណ្យតាមប្រពៃណី ៕
