បាត់ដំបង ៖ យុវជនសម្នាក់បានលិចបាត់ខ្លួននៅក្នុងទឹកបឹងអស់ជាច្រើនម៉ោងក្រោយពេលហែលឆ្លងជាមួយមិត្តភក្តិពីម្ខាងទៅម្ខាងកាលពីរសៀលថ្ងៃទី១៥
ខែមករា ឆ្នាំ២០២៦ នៅចំណុចបឹងហ្លួង ស្ថិតក្នុងភូមិដំណាក់ហ្លួង សង្កាត់វត្តគរ
ក្រុងបាត់ដំបង។
បើតាមការលើកឡើងរបស់ប្អូនប្រុសដែលជាមិត្តភក្តិរបស់ជនរងគ្រោះ
បានអោយដឹងថា
នៅមុនពេលកើតហេតុរូបគេនិងមិត្តភក្តិផ្សេងទៀតជិត១០នាក់ដែលជាសិស្សសាលាបាននាំគ្នាជិះម៉ូតូមកលេងនៅបឹងហ្លួង
បន្ទាប់មករូបគេនិងជនរងគ្រោះ
ព្រមទាំងមិត្តភក្តិពីរនាក់ផ្សេងទៀតបាននាំគ្នាចុះងូតទឹកលេង
ហើយក្រោយមករូបគេនឹងជនរងគ្រោះបាននាំគ្នាហែលឆ្លងប្រជែងគ្នាពីម្ខាងទៅម្ខាង
ដែលមានចំងាយជិត៥០ម៉ែត្រ ហើយខណៈពេលកំពុងហែលបានជាងពាក់កណ្ដាលបឹង
ជនរងគ្រោះក៏បានអស់ដៃអស់ជើងហែលលេងរួចភ្លាមនោះខ្លួនក៏បានជួយហែលទាញជិតដល់ត្រើយម្ខាងខ្លួនក៏អស់ដៃអស់ជើងហែលលេងចង់រួចដែរភ្លាមនោះខ្លួនក៏សម្រេចចិត្តប្រលេងជនរងគ្រោះចោលដើម្បីហែលស្ទុះទៅយកមេឃឬស្សីរុញមកអោយជនរងគ្រោះតោង
តែជាអកុសលជនរងគ្រោះបានលិចទឹកបាត់ស្រមោលទៅហើយ។
ប្អូនប្រុសដដែលបានបញ្ជាក់ថា ជនរងគ្រោះមានឈ្មោះ សាយ កក្កដា ភេទប្រុស អាយុ១៦ឆ្នាំ ជាសិស្សថ្នាក់ទី០៩ នៅវិទ្យាល័យនេតយ៉ង់ មានទីលំនៅក្នុងភូមិសូភី១ សង្កាត់រតនៈ ក្រុងបាត់ដំបង៕
ដោយ ៖ សាលី