បន្ទាយមានជ័យ ៖ កាលពីថ្ងៃ១៣ខែមករា ឆ្នាំ២០២៦ មានស្តី្រមា្នក់ឈ្មោះ
យស សុខជា អាយុ៣២ឆ្នាំ រស់នៅ ភូមិ បុស្បូវ ឃុំ បុស្បូវ ស្រុកព្រះនេត្រព្រះខេត្តបន្ទាយមានជ័យ
បានជិះកង់ម្នាក់ឯងមកសម្រាលកូននៅមណ្ឌលសុខភាព ភ្នៀត
សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ ។
លោក ឃុត សូវិន ប្រធានមណ្ឌលសុខភាពភ្នៀត
បានប្រាប់ថាក្រោយពីទទួលបានការជួយសម្រាលពីគ្រូពេទ្យប្រចាំការនៅមណ្ធលភ្នៀត
ម្តាយនិងកូនមានសុខភាពល្អ។ ប្អូនស្រី យស សុជា
បានប្រាប់ក្រុមគ្រូពេទ្យថាគាត់ជាស្ត្រីទុរគតនៅម្នាក់ឯងស្វាមីរត់ចោល
ប្រកបមុខរបររើសអេតចាយ ចិញ្ចឹមជីវិត
។ពេលឈឺពោះនាងបានស្រេចចិត្តជិះកង់ទៅមន្ទឺរពេទ្យបង្អែកស្រុកប្រតិបត្តិមង្គលបូរីទេ
ដោយសារនាងគិតថាជិះកង់មិនដល់ទើបចូលសម្រាលនៅមណ្ឌលសុខភាពភ្នៀតតែម្តងព្រោះមណ្ឌលសុខភាពភ្នៀតនេះនៅតាមផ្លូវ
ទៅមន្ទីរពេទ្យមង្គលបូរី ។ក្រុមគ្រូពេទ្យប្រចាំការនៅទីនោះបានរៀបចំសម្ភារះប្រើប្រាស់
គ្រឿងបរិភោគនិងថវិការ១ចំនួន ជូនដល់ ម្តាយនិងកូនភ្លាមៗ។បន្ទាប់មកលោកឃុត សូវិន
បានជូនដំពឹងនេះដល់អាជ្ញាធរដើម្បីជួយសម្រួលដល់ការលំបានរបស់គាត់ផងដែរ។
មកដល់ថ្ងៃ១៤ខែមករា ឆ្នាំ២០២៦ ក្រោយពីទទួលដំណឹងនេះ
លោកឈុន ហាក់
ជាមន្ត្រីសុខាភិបាលផ្នែកកែលំអគុណភាពសេវាមណ្ឌលសុខភាពក្នុងស្រុកប្រតិបត្តសិរីសោភ័ណ
តំណាងអោយលោកស្រី ប្រធាន មណ្ឌលសុខភាព ទាំង៨ និងសប្បុរសជនដែលបានជួយឩបត្ថម្ភ ជាអង្ករ មី ទឹកស៊ីវ ទឹកត្រី ទឹកសុទ្ទ និង ថវិកា១ចំនួនយកទៅជូន
ប្អូន យស សុជា ដល់មណ្ដលសុខភាពភ្នៀតផ្ទាល់។លោកឈុនហាក់ បានបញ្ជាក់បន្ថែមថា
មកដល់ឆ្នាំ២០២៦នេះសេវាពិនិត្យផ្ទៃពោះសម្រាលកូន
នៅតាមមណ្ឌលសុខភាពមានភាពប្រសើរជឿជាក់បានឆ្មបមានជំនាញ
សម្ភារះគ្រប់គ្រាន់និងជាពិសេសមានសម្ភារះនិងថវិការបំរ៉ុងដល់ពលរដ្ខក្រិក្រ ដោយគ្មានការគិតថ្លៃសេវាអ្វីទាំងអស់។បន្ថែមពីនេះលោកបានអំពាវនាវដល់ស្ត្រីមានផ្ទៃពោះ
មកពិនិត្យផ្ទៃពោះអោយបានទៀងទាត់និងជ្រើសរើសការសម្រាលតាមមណ្ឌលសុខភាពដែលនៅជិត
អាចជាការកាត់បន្ថយអត្រាស្លាប់មាតានិងទារកស្របតាមយុត្តិសាស្ត្ររាជរដ្ឋាភិបាល។
ក្នុងថ្ងៃដដែលលោក មួន យក់សាន សមាជិកក្រុមប្រឹក្សាខេត្តបន្ទាយមានជ័យ បានជួយសម្រួលជជូនប្អូនស្រី យស សុជាយកទៅសម្រាកថែសុខភាពបន្តផ្ទះបងស្រីរបសើប្អូនស្រី វិញ ដោយភ្ជាប់ជាមួយអំណោយសប្បុរសជនក្នុងនិងក្រៅខេត្ត រដ្ឋបាលសង្កាត់ភ្នៀត .ព្រះតេជគុណ ហ៊ីងសាយ័ន ចៅអធិការវត្តសេនាពលភ្នៀត និងព្រះអង្គគ្រូសូត្រស្តាំ មានដូចជា សម្ភារះប្រើប្រាស់សម្រាប់ម្តាយនិងទារក គ្រឿងបរិភោគផ្សេងៗនិងថវិការមួយចំនួន ដើម្បីសម្រួលសម្រាលទុក្ខលំបាកប្អូនស្រ្តី យស សុជា កំឡុងពេលនៅសរសៃខ្ចីមិនទាន់អាចប្រកបរបរចិញ្ចឹមជីវិតបាន ៕
ដោយ ៖ ឈុន វណ្ណា