បាត់ដំបង ៖
រថយន្តដឹកទឹកកកមួយគ្រឿងសង្ស័យបើកបរក្នុងស្ថានភាពងងុយដេក
បានរ៉េចង្កូតទៅបុករះរថយន្ត២គ្រឿងដែលចតចោល
រួចបន្តបុកដើមផ្កានិងរបងផ្ទះប្រជាពលរដ្ឋបង្កការភ្ញាក់ផ្អើលនៅវេលាម៉ោង ៣និង៣០នាទីរំលងអធ្រាត្រ
ឈានចូលថ្ងៃទី២០ ខែតុលា ឆ្នាំ២០២៦ នៅចំណុចខាងមុខផ្ទះសំណាក់ដាវីន
ស្ថិតក្នុងភូមិផ្កាស្លា សង្កាត់ចំការសំរោង ក្រុងបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងរថយន្តដឹកទឹកកកម៉ាក KIA ពណ៌សមួយគ្រឿង ពាក់ផ្លាកលេខ បាត់ដំបង2A-6350 បើកបរដោយបុរសម្នាក់
ទិសដៅពីត្បូងទៅជើង ក្នុងល្បឿនយ៉ាងលឿន
លុះមកដល់ចំំណុចកើតហេតុខាងលើបានរ៉េចង្កូតទៅបុករថយន្តម៉ាកTOYOTA PRIUS ពណ៌ទឹកប្រាក់ មួយគ្រឿង ដែលមានផ្លាកលេខ ភ្នំពេញ2CC-6183 និងរថយន្តប្រភេទ ស្តារិចពណ៌សមួយគ្រឿង ពាក់ផ្លាកលេខ ភ្នំពេញ2V-2652
ដែលចតចោលលើចំណីផ្លូវ
រួចបន្តទៅបុកដើមផ្កាចេកទុំនិងរបងផ្ទះប្រជាពលរដ្ឋ
តែសំណាងល្អមិនមានគ្រោះថ្នាក់ដល់មនុស្ស។
ក្រោយពេលកើតអ្នកបើកបររថយន្តដឹកទឹកកកចុះរត់គេចខ្លួនបាត់ស្រមោល
ចំណែកមធ្យោបាយទាំង៣គ្រឿងត្រូវបានសមត្ថកិច្ចនគរបាលចរាចរណ៍ចុះមកវាស់វែងធ្វើកំណត់ហេតុដើម្បីចាត់ការបន្តតាមនីតិវិធីច្បាប់។
ក្រោយពេលកើតហេតុជនរងគ្រោះត្រូវបានរថយន្តដឹកបញ្ជូនទៅសង្រ្គោះព្យាបាលនៅមន្ទីរពេទ្យ
ចំណែកមធ្យោបាយទាំងពីរត្រូវបានសមត្ថកិច្ចជំនាញចុះមកវាស់វែងធ្វើកំណត់ហេតុចាត់ការតាមនីតិវិធី
៕
ដោយ ៖ សាលី