បាត់ដំបង ៖
កម្លាំងគណៈបញ្ជាការកងឯកភាពនៃរដ្ឋបាលស្រុកបាណន់ ដែលដឹកនាំដោយលោក ងួន វិបុល
ជាអភិបាលរងស្រុក
បានបើកកិច្ចប្រតិបត្តិការបង្ក្រាបបទល្មើសនេសាទខុសច្បាប់មួយករណីនៅក្នុងតំបន់ផ្ទៃអាងកំពីងពួយ។
លោក ងួន វិបុល អភិបាលរងស្រុកបាណន់បានបញ្ជាក់ថា
កិច្ចប្រតិបត្តិការខាងលើនេះធ្វើឡើងកាលពីថ្ងៃទី១២ ខែកញ្ញា ឆ្នាំ២០២៦
នៅចំណុចអាងកំពីងពួយ ស្ថិតក្នុងភូមិអន្លង់ស្វាយ និងភូមិតាង៉ែន ឃុំតាគ្រាម
ស្រុកបាណន់ ខេត្តបាត់ដំបង ដោយប្រើប្រាស់កម្លាំងសរុបចំនួន ៤៤នាក់ និងកាណូត ចំនួន
១១គ្រឿង។
លោកអភិបាលរងស្រុកបានបញ្ជាក់ថា នៅក្នុងកិច្ចប្រតិបត្តិការខាងលើនេះដែរ កម្លាំងជំនាញរឹបអូសបានវត្ថុតាងរួមមាន ៖ លបកន្ទុយកណ្តុរ ចំនួន ៩គ្រឿង ,សាច់ស្បៃមុង ប្រវែង ៧៥០ម៉ែត្រ , លូស្បៃមុង ចំនួន ៩មាត់ , បង្គោលចំនួន ៥០០ដើម , និងត្រីចំរុះ ចំនួន ៥០គីឡូក្រាម ត្រូវបានព្រលែងចូលក្នុងអាងវិញ ដោយឡែកវត្ថុតាងខាងលើត្រូវបានដុតបំផ្លាញចោលនៅហ្នឹងកន្លែងផងដែរ ៕
ដោយ ៖ សាលី