បាត់ដំបង
៖ យ៉ាងហោចណាស់មនុស្សប្រុសស្រី០៣នាក់បានរងរបួ.សធ្ង.ន់
នៅក្នុងហេតុការណ៍គ្រោះថ្នាក់ចរាចរណ៍រវាងម៉ូតូ០២គ្រឿងបុកគ្នាពេញទំហឹងនៅវេលាម៉ោង
១១និង៣០នាទី ថ្ងៃទី២៩ ខែសីហា ឆ្នាំ២០២៦ នៅចំណុចផ្លូវចំការដូង
ស្ថិតក្នុងភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង។
ប្រភពនៅកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដា Scoopy ពណ៌សមួយគ្រឿង
ពាក់ផ្លាកលេខ បាត់ដំបង1AS-2517 បើកបរដោយបុរសចំណាស់ម្នាក់ ដឹកប្រពន្ធធ្វើដំណើរទិសដៅពីកើតទៅលិច
ចំណែកម៉ូតូមួយគ្រឿងទៀតម៉ាកហុងដាឌ្រីមពណ៌ខ្មៅ ពាក់ផ្លាកលេខបាត់ដំបង1J-7604 បើកបរដោយបុរសម្នាក់ទិសដៅពីលិចទៅកើត
លុះមកដល់ចំណុចកើតហេតុខាងលើបានជ្រុលបុកគ្នាពេញទំហឹងបណ្តាលអោយដួលរងរបួ.សធ្ង.ន់ទាំងបីនាក់
ចំណែកម៉ូតូខូចខាតយ៉ាងដំណំ។
ក្រោយពេលកើតហេតុជនរងគ្រោះត្រូវបានដឹកបញ្ជូនទៅសង្រ្គោះព្យាបាលនៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចជំនាញចុះមកវាស់វែងធ្វើកំណត់ហេតុយកទៅរក្សាទុកនៅការិយាល័យជំនាញដើម្បីចាត់ការតាមនីតិវិធី៕
ដោយ ៖ សាលី