បាត់ដំបង
៖ ព្រោះតែវិបត្តិផ្លូវចិត្តជាងតបណ្តាញខ្សែអ៊ីនធឺណិតម្នាក់ បានសម្រេចធ្វើអត្តឃាតដោយចងកសម្លាប់ខ្លួន
បង្កការភ្ញាក់ផ្អើលនៅវេលាម៉ោង ០៨និង០០នាទី ថ្ងៃទី០២ ខែមិថុនា ឆ្នាំ២០២៦
នៅត្រង់ចំណុចក្រុមទី១ ភូមិរំចេក៤ សង្កាត់រតនៈ ក្រុងបាត់ដំបង។
សមត្ថកិច្ចបានអោយដឹងថា
ជនរងគ្រោះមានឈ្មោះ ថៃ រដ្ឋានិន ភេទប្រុស អាយុ ៣២ឆ្នាំ មុខរបរជាងអ៉ីនធឺណិត
មានទីលំនៅផ្ទះលេខ១២៣ ក្រុមទី៥ ភូមិព្រែកតាតន់ សង្កាត់ព្រែកព្រះស្តេច ក្រុងបាត់ដំបង
បានធ្វើអត្តឃាតដោយយកខ្សែអ៉ីនធឺណិត (ខ្សែកាបអុបតិច) ចងកទៅនឹងដើមដង្កោ
បណ្តាលអោយស្លាប់យ៉ាងអាណោចអាធ័មព្រោះតែមានវិបត្តិផ្លូវចិត្ត។
ក្រោយពីធ្វើការត្រួតពិនិត្យដោយជំនាញបច្ចេកទេសនៃអធិការដ្ឋាននគរបាលក្រុង និងក្រុមគ្រូពេទ្យរួចមក មន្ត្រីជំនាញសន្និដ្ឋានបានថា ជនរងគ្រោះពិតជាស្លាប់ដោយសារធ្វើអត្តឃាតដោយចងកពិតប្រាកដមែន បន្ទាប់មកសាកសពជនរងគ្រោះត្រូវបានមន្រ្តីជំនាញប្រគល់ជូនសាច់ញាតិដើម្បីយកទៅធ្វើបុណ្យតាមប្រពៃណី ៕
ដោយ ៖
សាលី