បាត់ដំបង ៖ យ៉ាងហោចណាស់មនុស្សប្រុសស្រី០២បានស្លាប់
និង
២០នាក់ផ្សេងទៀតបានរងរបួសធ្ងន់ស្រាលនៅក្នុងហេតុការណ៍គ្រោះថ្នាក់ចរាចរណ៍ក្រឡាប់រថយន្តច្នៃនៅវេលាម៉ោង
០៦និង៥០នាទី ថ្ងៃទី១២ ខែឧសភា ឆ្នាំ២០២៦ នៅតាមបណ្តោយផ្លូវជាតិលេខ៥៧
ស្ថិតក្នុងភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង។
ប្រភពពីកន្លែងកើតហេតុបានអោយដឹងថា
ករណីគ្រោះថ្នាក់ចរាចរណ៍ខាងលើនេះបានកើតឡើងដោយរថយន្តច្នៃ០១គ្រឿង
បើកបរដោយបុរសម្នាក់ដឹកកម្មករបេះស្វាយសរុប ២១នាក់ ទិសដៅពីលិចទៅកើត
(ប៉ៃលិន.បាត់ដំបង)
លុះមកដល់ចំណុចកើតហេតុខាងលើបានវ៉ាក់អឺជាមួយរថយន្តធុនធំ០១គ្រឿងបានបួងចង្កូតបណ្តាលអោយក្រឡាប់ខ្លួនឯងជាច្រើនត្រឡប់ភ្លាមៗនោះបណ្តាលអោយស្លាប់ម្នាក់
និងម្នាក់ទៀតស្លាប់ពេលបញ្ជូនទៅមន្ទីរពេទ្យ ចំណែក២០នាក់ផ្សេងទៀតរងរបួសធ្ងន់ស្រាល។
ក្រោយពេលកើតហេតុ
កម្លាំងសមត្ថកិច្ចជំនាញបានចុះទៅដឹកបញ្ជូនអ្នករងរបួសទៅសង្រ្គោះបន្ទាន់នៅមន្ទីរពេទ្យ
ចំណែកមធ្យោបាយសមត្ថកិច្ចយកមករក្សាទុកដើម្បីរងចាំដោះស្រាយតាមផ្លូវច្បាប់
ដោយឡែកសាកសពជនរងគ្រោះត្រូវបានប្រគល់អោយក្រុមគ្រួសារសាច់ញាតិយកទៅដើម្បីរៀបចំធ្វើបុណ្យតាមប្រពៃណី
៕
ដោយ ៖ សាលី