បាត់ដំបង ៖ កម្លាំងផ្នែកប្រឆាំងគ្រឿងញៀន
សហការជាមួយកម្លាំងអន្តរាគមន៍នៃអធិការដ្ឋាននគរបាលស្រុកបាណន់
បានធ្វើការបង្ក្រាបករណីរក្សាទុកដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្តែង។
កិច្ចប្រតិបត្តិការខាងលើនេះធ្វើឡើងកាលពីវេលាម៉ោង១២និង៤០នាទីថ្ងៃទី១៣
ខែមីនា ឆ្នាំ២០២៦ នៅចំណុចភូមិចំការស្វាយ ឃុំឈើទាល ស្រុកបាណន់ ខេត្តបាត់ដំបង
ដោយបានឃាត់ខ្លួនជនសង្ស័យចំនួន០៥នាក់ រួមមាន ៖ ១-ឈ្មោះ ជ័យ វិសាល ភេទប្រុស
អាយុ៣៩ឆ្នាំ, ២-ឈ្មោះ ស៊ុំ មិនា ភេទប្រុស អាយុ៣៨ឆ្នាំ, ៣-ឈ្មោះ ធឿន ហ៊ា
ភេទប្រុស អាយុ៣៣ឆ្នាំ, ៤-ឈ្មោះ រី រ៉េន ភេទប្រុស អាយុ៤០ឆ្នាំ
ទាំង០៤នាក់មានទីលំនៅភូមិទួលច្រនៀង ឃុំបាយដំរាំ ស្រុកបាណន់ ខេត្តបាត់ដំបង ។ ៥-ឈ្មោះ
សួម ធេន ភេទប្រុស អាយុ៣៥ឆ្នាំ មានទីលំនៅភូមិកំពង់ចែង ឃុំបាយដំរាំ ស្រុកបាណន់ ខេត្តបាត់ដំបង។
វត្ថុតាងចាប់យកបានរួមមាន ៖ ម្សៅក្រាមពណ៌សថ្លាសង្ស័យសារធាតុញៀនចំនួន
០៥ថង់, ជញ្ជីងសម្រាប់ថ្លឹងគ្រឿងញៀន០១គ្រឿង, ទូរស័ព្ទដៃ០៤គ្រឿង (ចាស់), ថង់សម្រាប់រំលែកច្រកគ្រឿងញៀនលក់មួយចំនួន
និងសម្ភារៈពាក់ព័ន្ធសម្រាប់ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យទាំង០៥នាក់ខាងលើ ត្រូវបាននគរបាលស្រុកបាណន់ កសាងសំណុំរឿងបញ្ជូនមកការិយាល័យជំនាញខេត្ត ដើម្បីអនុវត្តតាមនីតិវិធីច្បាប់៕
ដោយ ៖ សាលី