បាត់ដំបង
៖
យ៉ាងហោចណាស់បុរសម្នាក់បានរងរបួសធ្ងន់ និងស្ត្រី០២នាក់ផ្សេងទៀតរងរបួសស្រាល
នៅក្នុងហេតុការណ៍គ្រោះថ្នាក់ចរាចរណ៍រវាងម៉ូតូនិងម៉ូតូនៅវេលាម៉ោង ១៥និង៤០នាទី
ថ្ងៃទី០៩ ខែកុម្ភះ ឆ្នាំ២០២៦ នៅត្រង់ចំណុចផ្លូវប្រសព្វខាងមុខបូរីរតនៈ
ស្ថិតក្នុងភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង ។
ពលរដ្ឋនៅកន្លែងកើតហេតុបានប្រាប់ថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងម៉ូតូម៉ាកហុងដា SCOOPY ពណ៌ស០១គ្រឿង
ពាក់ផ្លាកលេខ បាត់ដំបង 1X-2128
បើកបរដោយស្ត្រីម្នាក់និងអ្នករួមដំណើរជាស្ត្រីម្នាក់ ទិសដៅពីលិចទៅកើត
លុះមកដល់ផ្លូវប្រសព្វខាងលើបានបត់ឆ្វេង ចំណែកម៉ូតូ ០១គ្រឿងទៀតម៉ាកហុងដាឌ្រីមពណ៌ខ្មៅ
ពាក់ផ្លាកលេខ 1O-9825 បើកបរដោយបុរសម្នាក់ទិសដៅស្របគ្នាក្នុងល្បឿនយ៉ាងលឿន
បានជ្រុលមកបុកពេញទំហឹងបណ្តាលអោយដួលបោកក្បាលរងរបួសធ្ងន់
ចំណែកស្ត្រីខាងលើរងរបួសស្រាល។
ក្រោយពេលកើតហេតុ ជនរងគ្រោះទាំងបីនាក់ត្រូវបានសមត្ថកិច្ចដឹកបញ្ជូនទៅសង្គ្រោះព្យាបាលនៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចជំនាញធ្វើការវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោកខេត្ត ដើម្បីចាត់ការតាមនីតិវិធី ៕
ដោយ ៖ សាលី