ផ្ទុះសេខ្សែភ្លើង បណ្តាលអោយឆេះផ្ទះ០១ខ្នង នៅស្រុកសង្កែ

បាត់ដំបង ៖ អគ្គីភ័យបានឆាបឆេះផ្ទះ០១ខ្នង​ បង្កការភ្ញាក់ផ្អើលនៅវេលាម៉ោង ២១និង០០នាទី ថ្ងៃទី១៧ ខែកុម្ភៈ ឆ្នាំ២០២៦ នៅចំណុចក្រុមទី៨ ស្ថិតក្នុងភូមិរាំងកេសី ឃុំរាំងកេសី ស្រុកសង្កែ ខេត្តបាត់ដំបង ។

 

ផ្ទះដែលត្រូវអគ្គិភ័យឆាបឆេះមានទំហំ ៧ម៉ែត្រ X ៩ម៉ែត្រ សង់អំពីឈើ ប្រក់ស័ង្កសី ក្រាលការ៉ូបាត បណ្ដាលអោយខូចខាតទ្រព្យសម្បត្តិទាំងស្រុងរួមមាន ៖ ទូរទស្សន៍ ចំនួន ០១ គ្រឿង, ទូរទឹកកក ចំនួន ០១ គ្រឿង, គ្រែឈើ ចំនួន ០២, កង្ហារ ចំនួន ០៤ គ្រឿង, តុឈើ ចំនួន ០១,​ទូរដាក់សម្លៀកបំពាក់ នឹង សម្លៀកបំពាក់មួយចំនួនធំ, ចិញ្ចៀនផ្លាកទីន ចំនួន ០១ វង់,​ឆេះលុយជាទឹកប្រាក់ ប្រហែល០៤លានរៀល ដែលមានម្ចាស់ឈ្មោះ ទន់ លីហោន ភេទប្រុស អាយុ ៦៣ឆ្នាំ និងប្រពន្ធឈ្មោះ ស គឹមសាង អាយុ ៦០ឆ្នាំ។

 

សមត្ថកិច្ចបានបញ្ជាក់ថា ករណីអគ្គីភ័យខាងលើនេះមូលហេតុ គឺ បណ្តាលមកពីផ្ទុះសេខ្សែភ្លើង ៕

ដោយ ៖ សាលី