បាត់ដំបង ៖
ស្ត្រីម្នាក់បានរងរបួសធ្ងន់ក្រោយជិះម៉ូតូទៅបុករថយន្តដែលកំពុងបត់ឆ្វេងនៅវេលាម៉ោង
០៩និង០០នាទី ថ្ងៃទី០១ ខែមីនា ឆ្នាំ២០២៦
នៅចំណុចខាងក្រោយរង្វង់មូលលោកតាដំបងក្រញូង ស្ថិតនៅក្នុងភូមិរំចេក៤ សង្កាត់រតនៈ
ក្រុងបាត់ដំបង ។
ប្រភពនៅកន្លែងកើតហេតុបានប្រាប់ថា
ករណីគ្រោះថ្នាក់ចរាចរណ៍ខាងលើនេះបានកើតឡើងរវាងរថយន្តម៉ាកTOYOTA
PRIUS ពណ៌ទឹកមាស០១គ្រឿង ពាក់ផ្លាកលេខ បាត់ដំបង 2C-6504 បើកបរដោយបុរសម្នាក់ទិសដៅពីកើតទៅលិច
លុះមកដល់ចំណុចកើតហេតុខាងលើបានបត់ឆ្វេង ចំណែកម៉ូតូម៉ាកហុងដា SCOOPY ពណ៌ខ្មៅ ពាក់ផ្លាកលេខ បាត់ដំបង1AX-5380
បើកបរដោយស្ត្រីម្នាក់ទិសដៅស្របគ្នា
បានជ្រុលមកបុកពេញទំហឹងបណ្តាលអោយដួលបោកក្បាលរងរបួសធ្ងន់ ចំណែកម៉ូតូខូចខាតយ៉ាងដំណំផងដែរ។
ក្រោយពេលកើតហេតុ ជនរងគ្រោះត្រូវបានដឹកបញ្ជូនទៅសង្គ្រោះព្យាបាលនៅមន្ទីរពេទ្យ ចំណែកមធ្យោបាយទាំងពីរត្រូវបានសមត្ថកិច្ចចុះទៅពិនិត្យវាស់វែងធ្វើកំណត់ហេតុដើម្បីរងចាំភាគីទាំងសងខាងចូលខ្លួនដោះស្រាយតាមផ្លូវច្បាប់ ៕
ដោយ ៖ សាលី