ប៉ោយប៉ែត ៖ ករណីកាប់ប្លន់ និងបោកគ្រាប់បែក
លើបុគ្គលិកក្រុមសង្គ្រោះបឋមក្រុងប៉ោយប៉ែតរបួស១នាក់ កាលពីនៅយប់ថ្ងៃទី១៥ ខែតុលា
ឆ្នាំ២០២៦ នៅចំណុចភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត សមត្ថកិច្ចនគរបាលបានឈានដល់ការឃាត់ខ្លួនជនសង្ស័យចំនួន៦នាក់ជាបន្តបន្ទាប់
និងភ្លាមៗក្រោយធ្វើសកម្មភាព។
បើតាមលោកវរៈសេនីយ៍ត្រី សួន ស៊ីម៉ាប់
នាយប៉ុស្តិ៍នគរបាលសង្កាត់ប៉ោយប៉ែត បានអោយដឹងនៅព្រឹកថ្ងៃទី១៦នេះថា កាលពីយប់មិញមានក្មេងទំនើង១ក្រុម
ជិះម៉ូតូធ្វើសកម្មភាពដេញកាប់និងគប់គ្រាប់បែកទៅលើបុគ្គ
លិកក្រុមសង្គ្រោះបឋមក្រុងប៉ោយប៉ែតម្នាក់ ខណៈពេលធ្វើដំណើរតាមផ្លូវបណ្តាលឲ្យរងរបួសធ្ងន់ត្រូវបានបញ្ជូនទៅបញ្ជូនបន្តទៅមន្ទីពេទ្យ។
ក្រោយហេតុការភ្លាមៗ ដោយមានការបញ្ជាណែនាំពីលោកវរសេនីយ៍ទោ ព្រហ្ម
ពិសិដ្ឋ អធិការនគរបាលក្រុងប៉ោយប៉ែត និងការចុះផ្ទាល់ កម្លាំងប៉ុស្តិ៍នគរបាលសង្កាត់ប៉ោយប៉ែត
បានចេញអន្តរាគមន៍ភ្លាមៗ ឃាត់ខ្លួនជនសង្ស័យ១នាក់ នៅកន្លែងកើតហេតុ។ ក្រោយឃាត់ខ្លួនសាកសួរ
សមត្ថកិច្ចបានបន្តឈានទៅឃាត់ខ្លួនបានជនសង្ស័យ៥នាក់ថែមទៀត សរុប៦នាក់ កំពុងអនុវត្តនីតិវិធី។
លោកមេប៉ុស្តិ៍បានបញ្ជក់ថា តាមការសន្និដ្ឋានបឋម
ករណីក្មេងទំនើងគប់គ្រាប់បែកខាងលើ ជាករណីកាប់យកម៉ូតូពីជនរងគ្រោះ។
បច្ចុប្បន្នកម្លាំងជំនាញកំពុងបន្តស្រាវជ្រាវ ចាប់ខ្លួនក្រុមក្មេងទំនើងដែលពាក់ព័ន្ធធ្វើសកម្មភាព
គប់គ្រាប់បែកខាងលើបន្ថែមទៀត ៕
